Þróunarstofa hefur verið rekin innan Heilsugæslu höfuðborgarsvæðisins (HH), frá árinu 2009 og hefur sinnt heilsugæslustöðvum á höfuðborgarsvæðinu. Síðastliðið vor tilkynnti Svandís Svavarsdóttir heilbrigðisráðherra þá ákvörðun sína að breyta verkefnum Þróunarstofunnar og skal ný eining þjóna öllum heilsugæslustöðvum í landinu.

Hlutverk Þróunarmiðstöðvar íslenskrar heilsugæslu (ÞÍH) verður þannig útvíkkað og má þar nefna:

• Skipulag kennslu á heilbrigðissviði á heilsugæslustöðvum
• Sinna vísinda- og gæðaþróunarverkefnum
• Þróa og innleiða gæðavísa
• Leiða þverfaglegt samstarf, samræming verklags innan þróunarmiðstöðvar og á landsvísu
• Stuðla að fræðslu til almennings
• Stuðla að gæðaþróun og framförum í heilsugæslu í samráði við heilbrigðisstofnanir sem reka heilsugæslustöðvar og sjálfstætt starfandi heilsugæslustöðvar
• Tryggja gæði og skilvirkni þjónustunnar
• Stuðla að gagnreyndri samræmdri heilsugæsluþjónustu á landsvísu